Khua gĭt gai Đảng, Khua lăn čar Tô Lâm bi mni kơ dŭm boh tŭ êdah kdlưn hlăm êpul kahan djă phao ktuang mơ̆ng Anôk kahan krĭng hlăm êbeh 80 thŭn êgao, mbĭt anăn mñă, hŏng Kahan krĭng 1, alŭ wăl prŏng, dleh dưi ksiêm dlăng, lu djuê ana hdĭp mda.

Khua gĭt gai Đảng, Khua lăn čar Tô Lâm mtă kơ Kahan krĭng 1 mđing hluê ngă jăk 5 bruă klam phŭn, hlăm anăn lŏ dơ̆ng hluê ngă kjăp hdră êlan mtrŭn mơ̆ng Đảng kơ bruă lĭng kahan, răng mgang Ala čar hlăm boh klei mrâo; thâo klă klei mâo grăp alŭ wăl, đăo knăl hnưm, tĭng dlăng boh klei, pral đru kčĕ, amâo lui kdjăt kƀla hlăm grăp klei mâo. Mkŏ mjing krĭng răng mgang ƀrư̆ hruê ƀrư̆ kjăp, mguôp hŏng hdră lĭng kahan răng mgang klei êđăp ênang, bruă hŏng tač êngao hŏng hdră mđĭ kyar bruă duh mkra – ala ƀuôn; krơ̆ng kjăp klei dưi kiă kriê krĭng lăn, rơ̆ng klei hơĭt ênang hlăm mnuih ƀuôn sang mơ̆ng hnưm, mơ̆ng kbưi, mơ̆ng nah gŭ mtam./.