Hluê si klei hưn, 3 mlan gưl 1 thŭn 2026, Phú Quý krơ̆ng kjăp hnơ̆ng đĭ kyar, bruă hiu čhưn ênguê drông giăm 42 êbâo gưl čô tuê, bruă mnia mblei – hiu čhưn đĭ, hiu trah mă mnơ̆ng hlăm êa mâo 3.570 ton, đĭ mkă hŏng wưng anei thŭn êlâo. Bruă mkra mlih klei ngă hră mơar, bi mlih mrô, bruă lĭng kahan – răng mgang klei êđăp ênang dưi krơ̆ng kjăp.

Khă snăn, anôk bruă nah gŭ krĭng kdrŭn ksĭ, phŭn mkăp êa kba, msir mghaih djah djâo lehanăn kriê dlăng lăn ala, bruă nah tluôn hlăm hdră hiu čhưn ênguê dôk lu klei kpăk gun. Blŭ ti knăm anei, Khua knơ̆ng bruă sang čư̆ êa čar Lâm Đồng Hồ Văn Mười mñă, hŏng krĭng Phú Quý, brei ruh mtlaih dŭm klei gun kpăk hlăm bruă êlan klông, kdrŭn kdĭ, pui kmlă, êa yua lehanăn wăl hdĭp mda, mđing mđĭ kyar ƀuôn hiu mă kan, iêu mthưr hdră duh bi liê, čuăl mkă, tĭng dlăng anôk bruă nah gŭ ktuê hang ksĭ, tač êdeh phiơr hlăm wưng ti anăp./.