Hdră anei dưi mkra mâo hnơ̆ng êran pral truh kơ 350 km/h, bi hrŏ mmông găn êrô hrŏ hlăm brô 23 mnĭt, pral mơ̆ng 5 – 7 blư̆ mkă ară anei. Hdră anei mơ̆ng Vingroup (hluê hŏng Anôk bruă Duh bi liê lehanăn mđĭ kyar êlan treng êran pral VinSpeed) ngă pô duh bi liê, hŏng ênoh êbeh 147.000 êklai prăk (êbeh 5,6 êklai USD, ka mâo prăk čiu hnô anôk ala).

Tĭng ktuê êlan anei srăng ba yua kdrăp mrâo mrang kluôm mâo Siemens Mobility mkăp, ba jao kdrăp mrâo hlăm hdră ba yua. Jing ktuê êlan treng êran pral mlir krĭng tal êlâo, hdră anei dưi čang hmăng srăng mjing boh kdrŭt đĭ kyar kơ krĭng duh mkra ti nah Dưr, pŏk klei bi mlih mrâo prŏng hlăm anôk bruă nah gŭ mrâo mrang, đru mđĭ ai bi ktưn ala čar./.