Blŭ ti knăm anei, bi ala phung khua kiă kriê Đảng, Knŭk kna, Khua gĭt gai Đảng, Khua lăn čar Tô Lâm hơêč hmưi kơ Nguyễn Hòa Bình, Bùi Thanh Sơn, Hồ Đức Phớc dưi ruah ngă Kơiăng khua knŭk kna; ruah Khua phŭn bruă Ngăn dŏ lehanăn wăl hdĭp mda Đỗ Đức Duy, Khua phŭn bruă kriê dlăng Hdră bhiăn Nguyễn Hải Ninh. 

Khua gĭt gai Đảng, Khua lăn čar Tô Lâm mtă kơ 5 čô anei lŏ dơ̆ng mđĭ lar knhuah gru cách mạng, kriê kjăp knhuah hdĭp mngač, sĭt suôr hŏng Đảng, hŏng Ala čar lehanăn mnuih ƀuôn sang, jih ai tiê mă bruă kyua Ala čar, ngă bruă kyua mnuih ƀuôn sang. Êlâo anăn, aguah 26/8, hŏng klei gĭt gai mơ̆ng Khua Anôk brua kƀĭn ala Trần Thanh Mẫn, Anôk bruă kƀĭn ala gưl 15 mkŏ mjing leh klei bi kƀĭn mjêč ksiêm dlăng hdră bruă knuă druh djŏ hŏng klei dưi. Anôk bruă kƀĭn ala gưl 15 ruah lehanăn bi mklă 3 čô Kơiăng khua knŭk kna, Khua phŭn bruă Ngăn dŏ wăl hdĭp mda, Khua phŭn bruă kriê dlăng hdră bhiăn, ruah Khua sang phat kđi yang ƀuôn gưl dlông lehanăn Khua knơ̆ng ksiêm dlăng yang ƀuôn gưl dlông./.