Bi ala Đảng, Knŭk kna, Khua gĭt gai Đảng, Khua lăn čar Tô Lâm hơêč hmưi kơ Nguyễn Minh Tâm dưi ruah ngă Pô bi ala kluôm mơ̆ng Việt Nam ti Lao. Jao bruă klam kơ pô bi ala mâo ruah, Khua gĭt gai Đảng, Khua lăn čar Tô Lâm lač klă, Việt Nam lehanăn Lao jing dua ala čar riêng gah mâo klei bi mjĕ jăk siam mơ̆ng đưm; mâo bruă klam, anôk yuôm bhăn hlăm bruă răng mgang klei êđăp ênang lehanăn đĭ kyar mơ̆ng Việt Nam mbĭt anăn ăt jing klei mđing mrô sa mơ̆ng hdră mtrŭn hŏng tač êngao mơ̆ng Việt Nam.

Khua gĭt gai Đảng, Khua lăn čar Tô Lâm čang hmăng Nguyễn Minh Tâm mđĭ lar bruă klam jing Khua anôk bruă bi ala, jing kdrông mkŏ đru bi mguôp lehanăn mđĭ kyar klei bi mjĕ jăk siam Lao – Việt Nam, hlăm bruă kđi čar – hŏng tač êngao, bruă duh mkra – mnia mblei, dhar kreh, hiu čhưn ênguê… mtrŭt mđĭ anôk bruă duh mkra prŏng lehanăn mâo kơhưm mơ̆ng Việt Nam duh bi liê ti Lao, đru mguôp kơ hdră mđĭ kyar bruă duh mkra – ala ƀuôn mơ̆ng Lao./.