Khua gĭt gai Đảng, Khua lăn čar Tô Lâm bi mni kơ klei đru mguôp jăk mơ̆ng Khua kiă kriê Edouard Philippe kơ klei bi hgŭm mơ̆ng đưm leh anăn bi hgŭm lu mta Việt Nam- Prăng; hơ̆k mơak ti anăp knhuang đĭ kyar mơ̆ng klei bi hgŭm plah wah ƀuôn prŏng Le Havre hŏng Đà Nẵng, đru mđĭ pŏk mlar klei bi hgŭm hŏng dŭm alŭ wăl Việt Nam hlăm dŭm bruă msĕ msi mđĭ kyar kdrŭn ksĭ, logistics leh anăn dŭ mdiăng hlăm êa ksĭ, răng mgang wăl hdĭp mda êa ksĭ, kdrăp mrâo hlăm êa ksĭ…

Khua kiă kriê ƀuôn prŏng Le Havre lŏ mñă klei bi hdơr jăk siam leh anăn hơ̆k mơak kơ hnơ̆ng đĭ kyar mơ̆ng Việt Nam; čang hmăng mđĭ kyar klei bi hgŭm plah wah ƀuôn prŏng Le Havre leh anăn dŭm alŭ wăl ti Việt Nam hlăm dŭm mta bruă mtô bi hriăm phung mă bruă; mtrŭt mjhar anôk bruă duh mkra Prăng mđĭ kyar bi liê ti Việt Nam, boh nik hlăm dŭm bruă mâo klei găl ti ƀuôn prŏng.