Kah mbha kơ bruă phŭn mơ̆ng Đảng Cộng sản Việt Nam hlăm wưng kơ anăp, Khua gĭt gai Đảng, Khua lăn čar Tô Lâm brei thâo, sa hlăm dŭm bruă yuôm bhăn mơ̆ng Việt Nam jing ngă jăk hĭn bruă mprăp kơ Klei bi kƀĭn tal XIV mơ̆ng Đảng - Klei bi kƀĭn dưi bi mklă jing gru kruăk knăl yuôm bhăn, wưng hƀuê ênuk mrâo, ênuk gĭr ktưn mơ̆ng djuê ana Việt Nam hlăm ktuê êlan truh kơ yang ƀuôn ngă phŭn.

Mơ̆ng tur knơ̆ng Hră bi hdơr hlăm wưng mrâo plah wah Sang hră bruă Đảng gưl dlông China leh anăn Sang hră kđi čar ala čar Hồ Chí Minh mrâo bi siñê leh anăn boh tŭ bi hgŭm hlăm wưng êgao, čiăng bi êlam hĭn hnơ̆ng hlăm klei bi hgŭm dua Đảng, dua ala čar, Khua gĭt gai Đảng, Khua lăn čar Tô Lâm mtă, dua Sang hră mđĭ mjĕ êrô, bi trông; iêô jak phung khua gĭt gai leh anăn phung nai prŏng, phung thơ̆ng kơ bruă hlăm Sang hră nao čhưn ti Việt Nam kñăm mđĭ klei bi hgŭm mă bruă, mđĭ klei đăo knang leh anăn hdơ̆ng bi thâo săng.