Khua gĭt gai Đảng, Knŭk kna nao čuă Msat Khua gĭt gai Hồ Chí Minh
Thứ bảy, 00:00, 31/08/2024
VOV TAYNGUYEN
VOV TAYNGUYEN
VOV4.Êđê- Bi hdơr 79 thŭn Hruê mkŏ mjing ala čar yang ƀuôn ngă phŭn Việt Nam (2/9/1945 - 2/9/2024), aguah 30/8, Êpul bi ala Anôk dlăng bruă Đảng gưl dlông, Khua lăn čar, Khua bruă kƀĭn ala, Knŭk kna, Khua Dhar bruă mặt trận čar kwar Việt Nam dưm leh kwang mnga, nao čuă msat Khua gĭt gai Hồ Chí Minh.
Hŏng ai tiê hdơr knga êlam, phung khua gĭt gai Đảng, Knŭk kna mpŭ hdơr kơ Khua gĭt gai Hồ Chí Minh, khua gĭt gai mbruă, jhŏng ktang mtlaih êngiê djuê ana, Pô duh myơr leh jih klei hdĭp kơ mnuih ƀuôn sang, kơ lăn čar, atăt gai Đảng drei, mnuih ƀuôn sang mâo klei tŭ dưi kdrưh kơăm, ba klei jăk mơak kơ djuê ana, lăn čar.
Kwang mnga mơ̆ng Êpul mâo boh hră “Hdơr nanao kơ Khua gĭt gai Hồ Chí Minh”. Khua gĭt gai Hồ Chí Minh djiê êbeh 55 thŭn leh, ƀiădah hră ñu mtă êlâo kơ djiê ăt jing klei atăt êlan kơ kluôm Đảng, mnuih ƀuôn sang leh anăn lĭng kahan kjăp ktang hlăm êlan kơrŭ kdơ̆ng. Hlue ngă klei ñu mtă, kluôm đảng, mnuih ƀuôn sang, lĭng kahan gĭr ktưn, hlue ngă tŭ dưi hdră kñăm, bruă klam mơ̆ng Hdră mtrŭn Klei bi kƀĭn Đảng tal XIII kčah leh.
Viết bình luận