VOV4.Êđê - Aguah mbruê 27/4, ƀri wưng bi hdơr 47 thŭn hruê sua wĭt klei êngiê Krĭng kwar Dhŭng, hluh hlir ala čar (30/4/1975 - 30/4/2022), Aguah mbruê, êpul bi ala bruă Đảng gưl dlông, Khua lăn čar, bruă kƀĭn ala, knŭk kna, dhar bruă mặt trận čar kwar Việt Nam mbĭt hŏng êpul bi ala dŭm phŭn, dhar bruă gưl dlông leh anăn ƀuôn prŏng Hà Nội dưm leh kwang mnga, nao čuă msat khua gĭt gai Hồ Chí Minh, êpul bi ala bi êdah leh klei hdơr knga lă lar, hŏng klei mpŭ hdơr kơ klei đru mguôp prŏng prĭn mơ̆ng Hồ Chí Minh hŏng bruă krŭ dơ̆ng mơ̆ng Đảng leh anăn djuê ana drei. Ñu myơr leh jih klei hdĭp kơ mnuih ƀuôn sang, kơ ala čar, ktrâo atăt Đảng, mnuih ƀuôn sang mâo dŭm klei dưi hing ang. Kwang mnga mơ̆ng êpul mâo pruê̆ boh hră: “Lă lar hdơr kơ khua gĭt gai Hồ Chí Minh”. Lŏ dơ̆ng kơ anăn, êpul bi ala nao dưm wang mnga, myơr brui ngưi bi hdơr phung êngiă asei jhŏng ktang ti knưng bi hơr kơ phung jhŏng ktang djiê êngiă ti êlan Bắc Sơn

Y-Ƀel pô mblang