8h, knăm čang ênuh Vũ Khoan dưi mkŏ mjing kdrưh kơăm čiăng bi êdah ai tiê hơưi leh anăn yap kơ klei tŭ dưn, duh myơr mơ̆ng ñu. Mphŭn pŏk knăm čang ênuh, Êpul bi ala Anôk bruă gưl dlông Đảng, Êpul bi ala bruă kƀĭn ala, Êpul khua lăn čar, Êpul knŭk kna, Êpul Knơ̆ng bruă mặt trận čar kwar Việt Nam kyua phung khua gĭt gai gưl dlông ala čar ngă khua êpul nao čang. 

Nao čang Vũ Khoan lŏ mâo phung khua gĭt gai hđăp Đảng, Knŭk kna, êpul bi ala dŭm phŭn, dhar bruă, êpul gưl dlông leh anăn dŭm alŭ wăl, dŭm êpul hŏng tač êngao. Vũ Khoan-  Khua gĭt gai mâo leh klei đru mguôp yuôm bhăn hlăm hdră pŏk mlar ñŭ kma, mlih mrâo leh anăn mđĭ kyar bruă duh mkra lăn čar.  Ñu lŏ pioh brei lu klei thâo yuôm bhăn, mkŏ mjing klei kdŏ mmuiñ bi trông bruă hŏng tač êngao bruă duh mkra lu ala čar êdei anei. Knăm čang ênuh Vũ Khoan mkŏ mjing hlăk 1 mmông mkrah tlam leh anăn knăm dơr djiê hlăk 3 mmông tlam ti wăl msat Mai Dịch, ƀuôn prŏng Hà Nội./.