Khua gĭt gai Đảng leh anăn knŭk kna nao čuă msat khua gĭt gai Hồ Chí Minh
Thứ sáu, 08:04, 19/05/2023
VOV Tây Nguyên
VOV Tây Nguyên
VOV4.Êđê- Ƀri wưng bi hdơr 133 thŭn hruê k’kiêng khua gĭt gai Hồ Chí Minh (19/5/1890 - 19/5/2023), Khua lăn čar, Bruă kƀĭn ala, knŭk kna, Dhar bruă mặt trận Việt Nam nao mdưm kwang mnga, nao čuă msat khua gĭt gai Hồ Chí Minh leh anăn myơr brui mgưi, bi hdơr kơ phung djiê êngiê ti knưng bi hdơr phung lĭng kahan djiê êlan ti êlan Bắc Sơn.
Ti anăp rup khua gĭt gai Hồ Chí Minh, phung khua gĭt gai Đảng, knŭk kna hŏng klei mpŭ bi êdah klei hdơr amâo mâo knhal hŏng Awa Hồ, pô mkŏ mjing, gĭt gai leh anăn mtô mjuăt Đảng drei. Kwang mnga mơ̆ng êpul mâo pruê̆ boh hră “Lă lar hdơr kơ khua gĭt gai Hồ Chí Minh”.
Bi hdơr 133 thŭn hruê k’kiêng kơ Awa, Đảng, jih jang mnuih ƀuôn sang, lĭng kahan lŏ dơ̆ng hluê ngă klei mtô lač yuôm bhăn mơ̆ng Awa čiăng ba dŭm hdră mtrŭn mơ̆ng klei kƀĭn kluôm tal 13 mơ̆ng Đảng nao hlăm klei hdĭp, hluê ngă tŭ jing dŭm hdră êlan mđĭ kyar bruă duh mkra ala ƀuôn, gĭr mkŏ mjing ala čar drei ƀrư̆ hruê ƀrư̆ mdrŏng, nao mbĭt hŏng dŭm ala čar đĭ kyar dlông rŏng lăn msĕ hŏng Awa hmăng hmưi.
Viết bình luận