Hlăm klei bi blŭ hrăm anăn, Khua gĭt gai Đảng Nguyễn Phú Trọng hơêč hmưi kơ khua mil čhil Pu-tin mâo leh mnuih ƀuôn sang Russia đăo knang lŏ ruah jing khua mil čhil Russia wưng păn bruă 2024-2030 hŏng ênoh hră mplĕ lu hĭn hlăm hƀuê ênuk lăn čar Russia, bi êdah leh klei mnuih ƀuôn sang Russia jưh knang prŏng kơ khua mil čhil hlăm klei kiă kriê lăn čar dôk hlăm ênuk gưl mrâo.

Khua mil čhil Pu-tin bi klă  Việt Nam jing mah jiăng năng đăo knang hŏng Russia. Khua mil čhil Pu-tin bi êdah klei mơak ƀuh klei đĭ kyar jăk siam klei bi mguôp dua nah hlăm djăp mta bruă. Dua čô khua gĭt gai mâo leh klei bi trông kơ dŭm hdră êlan kñăm mđĭ hĭn klei hgŭm wưng tinăp msĕ si bruă răng mgang klei êđăp ênang, lĭng kahan, klei duh mkra mnia mblei, dhar kreh, lehanăn bruă hiu čhưn ênguê./.