VOV4.Êđê - Hrue mbrue (27/6), ƀri bi hdơr 71 thŭn Hrue mkŏ mjing Đảng yang ƀuôn Campuchia CPP, bi hdơr 55 thŭn Hrue mkŏ mjing klei mjĕ mgiăm hgŭm mbĭt Việt Nam - Campuchia, Khua gĭt gai Đảng Nguyễn Phú Trọng mâo leh klei bi blŭ hrăm hŏng khua gĭt gai Đảng yang ƀuôn Campuchia, khua knŭk kna ala mtao Campuchia Hunsen.

Ti anôk bi blŭ hrăm hlăm đĭng blŭ anei, dua nah bi trông kơ bruă knuă grăp Đảng, grăp ala čar, bi êdah klei mơak kơ klei bi mguôp dua ala čar mâo bi kjăp nanao lehanăn đĭ kyar jăk ba wĭt klei tŭ dưn klă mngač kơ phung ƀuôn sang dua ala čar. Dua khua gĭt gai hrăm mbĭt kriê pioh, ksul mbŭ klei bi mguôp tui tiŏ hdră êlan dua nah leh čua. Khua gĭt gai Đảng Nguyễn Phú Trọng đăo knang ti gŭ klei kiă kriê mơ̆ng mtao Norodom Sihamuni, klei kiă kriê mơ̆ng bruă kƀĭn ala nah dlông, nah gŭ, Knuk kna Campuchia hŏng bruă klam knơ̆ng jing Đảng CPP mơ̆ng khua kiă kriê CPP, Khua knŭk kna Hunsen djă akŏ, phung ƀuôn sang Campuchia srăng lŏ mâo lu klei tŭ dưn jăk, prŏng hĭn hlăm bruă răng mgang, rŭ mdơ̆ng mđĭ kyar lăn čar./.

Y=Khem pô mblang