VOV4.Êđê -.Hruê mbruê 30/9, ti anôk bruă Đảng gưl dlông, Khua gĭt gai Đảng Nguyễn Phú Trọng gĭt gai klei kƀĭn Phŭn bruă kđi čar čiăng ksiêm dlăng, ngă klei ƀuah mkra hŏng Bùi Nhật Quang, Khua hlăm bruă Đảng gưl dlông, khua hlăm êpul dŭm anôk bruă gưl dlông, khua bruă Đảng, khua gĭt gai anôk bruă ksiêm duah klei kreh knhâo yang ƀuôn Việt Nam.

Leh ksiêm dlăng klei mñă mơ̆ng Dhar bruă ksiêm dlăng gưl dlông, Phŭn bruă kđi čar ƀuh: klei ngă soh, klei awăt êdu mơ̆ng Bùi Nhật Quang ngă truh lu klei hmăi kjham, bi luč klei bi mguôp, mâo klei bi čôñ ăl hlăm phung knuă druh, đảng viên, hmăi jhat truh kơ klei đăo knang êpul bruă Đảng, anôk bruă ksiêm duah klei kreh knhâo yang ƀuôn Việt Nam leh anăn kơ ñu pô. Ksiêm dlăng, mta phŭn, hnơ̆ng klei hmăi, boh jhat, phŭn agha klei ngă soh, hluê si hdră bhiăn mơ̆ng Đảng kơ klei ƀuah mkra đảng viên ngă soh, phŭn bruă kđi čar ngă klei ƀuah brei răng hŏng Bùi Nhật Quang. Mñă kơ dŭm anôk bruă djŏ tuôm ƀuah mkra, đŭ prăk hŏng Bùi Nhật Quang hŏng klei hrăm mbĭt, djŏ mmông hŏng klei ƀuah mkra./.

Y-Ƀel pô mblang