VOV4.Êđê- Tlam hruê 6/6, ti Anôk bruă Đảng gưl dlông, Khua gĭt gai Đảng Nguyễn Phú Trọng bi trông leh hŏng Khua gĭt gai Đảng Mặt trận Mtlaih êngiê Mozambique (FRELIMO), Khua mil čhil Mozambique Filipe Jacinto Nyusi hluê hdră online. Hlăm ai êwa jĕ giăm, bi mjĕ mjuk, Khua gĭt gai Đảng FRELIMO, Khua mil čhil Mozambique bi mni klei tŭ yuôm mŏng hdră bi trông hlăm bruă mtrŭt mđĭ klei bi mjĕ, hgŭm bruă jăk siam plah wah dua Đảng, dua knŭk kna.

Khua gĭt gai Đảng Nguyễn Phú Trọng mñă, Mozambique jing sa hlăm dŭm ala čar Việt Nam mđing mđĭ klei bi mjĕ ti krĭng Afrĭk. Khua kiă kriê dua Đảng, dua knŭk kna tŭ ư lŏ dơ̆ng mtrŭt mđĭ klei bi mjĕ, hgŭm bruă plah wah Đảng Cộng sản Việt Nam lehanăn Đảng FRELIMO mâo bruă klam tă hdră êlan hlăm bruă mđĭ kyar klei bi mjĕ hlăm lu mta bruă plah wah dua ala čar klă sĭt tŭ dưn; ba yua jih klei găl mâo kñăm mtrŭt mđĭ hdră bi hgŭm bruă kđi čar – bruă hŏng tač êngao, bruă duh mkra – blei mnia, bruă lĭng kahan – răng mgang klei êđăp ênang, bruă mtô bi hriăm, bruă hiu čhưn ênguê, bruă dhar kreh lehanăn bi mjĕ mjuk mnuih ƀuôn sang…/.

                                                    Pô mblang: H’Nêč Êñuôl