Blŭ hrăm hŏng phung bi ala mniê, Khua gĭt gai Đảng Nguyễn Phú Trọng lač klă, klei mă bruă hlăm wưng mrâo, bi mrâo mrang, mkŏ mjing leh anăn răng mgang ala čar hlăm wưng mrâo dôk mdưm lu klei čuăn ktang phĭt hŏng Đảng, jih jang mnuih ƀuôn sang, kluôm bruă kđi čar mơ̆ng ala čar drei, hlăm anăn mâo bruă klam prŏng mơ̆ng Bruă kƀĭn ala, phung bi ala bruă Kƀĭn ala, phung mniê bi ala Bruă kƀĭn ala.

Hŏng ai tiê anăn, Khua gĭt gai Đảng Nguyễn Phú Trọng mtă, hlăm wưng kơ anăp, phung bi ala mniê Bruă kƀĭn ala srăng lŏ dơ̆ng bi lar knhuah gru jhŏng ktang, hing ang mơ̆ng phung mniê, jih ai tiê kyua boh tŭ kơ ala čar, djuê ana, kyua klei hdĭp yâo mơak mơ̆ng mnuih ƀuôn sang, ngă jăk hĭn bruă klam jing pô bi ala mơ̆ng mnuih ƀuôn sang, bi lar bruă klam hlăm bruă mkŏ mjing, bi kluôm hdră klei bhiăn (hlăm anăn mâo klei bhiăn ala čar, hdră êlan klei mtăp mđơr êkei mniê), ktuê dlăng gưl dlông leh anăn bi klă dŭm boh klei yuôm bhăn mơ̆ng ala čar hlăm klei ngă bruă mơ̆ng bruă kƀĭn ala.