Khua gĭt gai Đảng Nguyễn Phú Trọng lač jăk kơ dŭm gưl mnuih ƀuôn sang leh anăn phung bi ala mâo nanao klei mđĭng dlăng dŭm mta bruă mơ̆ng bruă kƀĭn ala, hlăm anăn mâo klei kƀĭn tal 5 mrâo êgao. Khua gĭt gai Đảng Nguyễn Phú Trọng mñă klă, Hà Nội jing ƀuôn prŏng phŭn, jing phŭn anôk bruă kđi čar, dhar kreh hlăm kluôm ala.

Kyuanăn, mnuih Hà Nội srăng bi lar knuah gru myưng mơang, knhuih mhač, duh myơr leh anăn jhŏng ktang, kñăm mkŏ mjing wăl hdĭp dhar kreh, mkŏ mjing anak mnuih, wăl hdĭp êđăp ênang, hơĭt kjăp. Khua gĭt gai Đảng Nguyễn Phú Trọng mtă kơ dŭm gưl bruă, dhar bruă ƀuôn prŏng hyuă kjăp dŭm klei mĭn phŭn anei, dưn yua hlăm boh sĭt čiăng mkŏ mjing ƀuôn prŏng năng jing ƀuôn prŏng phŭn êbâo thŭn duh myơr, jhŏng ktang leh anăn mhač, ƀuôn prŏng mơ̆ng klei jăk leh anăn knuih kniêng anak mnuih hŏng lu anăn pia mkăn.