VOV4.Êđê - Khua gĭt gai Đảng Nguyễn Phú Trọng mrâo mâo klei bi tuôm hŏng êpul bi ala nao hlăm klei kƀĭn tal 6 êpul hgŭm phung khua asei Việt Nam. Blŭ hlăm klei bi tuôm anăn, Khua gĭt gai Đảng Nguyễn Phú Trọng mñă klă, dhar kreh leh anăn knhuah hdĭp mơ̆ng mnuih Việt Nam mơ̆ng êlâo truh kơ ară anei jing “Khăp kơ mnuih mduôn khua, hơiêng kơ phung hđeh” “Mpŭ kơ phung mduôn, mâo klei hdĭp sui”.

Mnuih mduôn khua mâo klei yap yuôm bhăn nanao, mâo klei mpŭ nanao. Boh nĭk, ti gŭ klei gĭt gai mơ̆ng Đảng, mnuih mduôn khua dôk mâo lu klei đru mguôp yuôm bhăn, msĕ hŏng klei Awa Hồ mtă leh “Thŭn khua, klei mĭn ktang kjăp”. Khua gĭt gai Đảng Nguyễn Phú Trọng mtă kơ dŭm phŭn bruă, dhar bruă gưl dlông, gưl nah gŭ, bruă sang čư êa alŭ wăl čiăng mđĭ hĭn klei thâo săng, bruă klam pô kơ bruă răng kriê mnuih mduôn khua leh anăn êpul hgŭm phung mduôn khua.

Y- Ƀel pô mblang