VOV4.Êđê- Hluê ngă hdră bi tuôm hŏng phung bi ala leh klei kƀĭn tal 3, bruă kƀĭn ala gưl 15, aguah mbruê 23/6, Khua gĭt gai Đảng Nguyễn Phú Trọng mbĭt hŏng phung bi ala bruă kƀĭn ala ti anôk ruah khua mrô 1, êpul bi ala bruă kƀĭn ala ƀuôn prŏng Hà Nội mâo leh klei bi tuôm hŏng phung bi ala mnuih ƀuôn sang ti dŭm kdriêk čar Ba Đình, Đống Đa leh anăn Hai Bà Trưng. Mmông bi tuôm dưi mkŏ mjing hŏng êlan online bi mguôp hŏng klă anăp mơ̆ng anôk bi kƀĭn bruă sang čư êa kriêk čar Ba Đình mkŏ hŏng 55 anôk bi kƀĭn ti alŭ wăl 3 kdriêk čar hŏng klei nao hgŭm mơ̆ng êbeh 1200 čô bi ala kñăm hưn mdah boh tŭ klei kƀĭn tal 3 leh anăn wĭt lač klei êmuh mơ̆ng phung bi ala.

Bi ala kơ phung bi ala bruă kƀĭn ala anôk ruah khua mrô 1, Khua gĭt gai Đảng Nguyễn Phú Trọng mđing hmư̆ dŭm klei blŭ djŏ, klă hŏng boh sĭt mơ̆ng phung bi ala. Khua gĭt gai Đảng Nguyễn Phú Trọng lŏ brei thâo, hruê 30 ti anăp srăng mkŏ mjing klei kƀĭn trông kluôm ala ksiêm wĭt 10 thŭn ngă bruă bi kdơ̆ng hŏng klei ƀơ̆ng ngăn kñăm mă klei hriăm čiăng dưn yua leh anăn bi lar dŭm boh tŭ dưi mâo hlăm wưng kơ anăp.

Pô mblang: Y-Ƀel Êban