VOV4.Êđê - Aguah mbruê, ti anôk bruă Đảng gưl dlông, Khua gĭt gai Đảng Nguyễn Phú Trọng mâo leh klei blŭ hrăm hŏng Khua mil čhil Dhŭng Korea Yoon Sook Yeol hŏng êlan online. Hlăm ai êwa bi hgŭm, khua gĭt gai 2 ala čar yap yuôm bhăn klei blŭ hrăm gưl dlông, boh nik hlăm wưng 2 ala čar bi hdơr 30 thŭn hruê mkŏ mjing klei mjĕ giăm.

Khua mil čhil Dhŭng Korea Yoon Sook Yeol hơêč hmưi kơ dŭm klei tŭ jing kluôm ênŭm hlăm klei đĭ kyar, bruă klam leh anăn kơhưm ƀrư̆ hruê ƀrư̆ đĭ mơ̆ng Việt Nam.

Khua gĭt gai Đảng Nguyễn Phú Trọng mnă klă klei yuôm bhăn hŏng klei mjĕ giăm ƀĭng hgŭm, bi mguôp hdră êlan Việt Nam – Dhŭng Korea, yap yuôm bhăn klei đru mơ̆ng Dhŭng Korea hlăm klei đĭ kyar ti Việt Nam, hlăm anăn mâo bruă bi mguôp gang mkhư̆ klei ruă tưp Covid-19. 2 čô khua gĭt gai bi tŭ ư mđĭ hĭn klei bi tuôm gưl dlông, mđĭ klei bi mguôp hlăm bruă lĭng kahan, klei êđăp ênang, mtrŭt mđĭ klei bi mguôp dhar kreh, klei mjĕ giăm plah wah dŭm alŭ wăl.

Y-Ƀel pô mblang