Khua gĭt gai Đảng Nguyễn Phú Trọng bimni, lehanăn bi myuôm klei hriê čhưn kơ Việt Nam mơ̆ng Thượng tướng An-va-rô Lô-pết Mi-ê-ra êjai dua lăn čar anăp truh kơ klei bi hdơr 50 thŭn khua gĭt gai Phi-đen Cát-xtơ-rô hriê čhưn krĭng mâo klei êngiê ti Quảng Trị; bi êdah klei đăo knang mơ̆ng klei hriê čhưn anei srăng lŏ bi kjăp hĭn, lehanăn mtrŭn agha êlam hĭn klei bi mguôp mâo leh mơ̆ng đưm plah wah dua Đảng, dua lăn čar.

Khua gĭt gai Đảng lač, Việt Nam srăng gĭr jih ai tiê pô đru kơ Cuba tui si hdră êlan “Kyua Cuba, Việt Nam srăng gĭr tui si klei pô dưi čiăng đru kơ Cuba găn jih klei dleh dlan, klei lông dlăng êjai anăp mta ară anei”. Khua gĭt gai Đảng bi myuôm bruă klam lehanăn dŭm klei tŭ dưn bruă hgŭm răng mgang lăn čar dua nah, lŏ hyuă hĭn klei bi mguôp, mă bruă bi tŭ ư dưn hĭn, bi djŏ hŏng klei dưi lehanăn klei tŭ kơ lăn čar dua nah, kyua kơ klei êđăp ênang, lehanăn đĭ kyar hlăm alŭ wăl lehanăn tar rŏng lăn./.