Khua gĭt gai Đảng Nguyễn Phú Trọng bi myuôm klei Shii Kazuo hriê čhưn anei, dôk hlăm thŭn dua ala čar mprăp bi hdơr 50 thŭn hrue mkŏ mjing klei mjĕ mgiăm, dua nah lŏ mđĭ hĭn klei bi hgŭm kluôm dhuôm kyua klei êđăp ênang, lehanăn mdrŏng sah ti Asi lehanăn tar rŏng lăn.

Khua gĭt gai Đảng đăo knang kơ klei hriê čhưn anei srăng lŏ hyuă kjăp hĭn klei bi mguôp dua Đảng lehanăn mâo klei bi mguôp mnuih ƀuôn sang dua ala čar, lŏ mjing lu mta bruă bi hgŭm hĭn mơ̆ng dua nah. Khua knơ̆ng kiă kriê bruă Cộng sản Japon Shii Kazuo bi mni kơ bruă klam mơ̆ng Việt Nam hlăm alŭ wăl, hơêč hmưi kơ boh tŭ dưn klei Việt Nam bi mguôp hŏng ala tač êngao ba wĭt leh klei tŭ dưn hlăm wưng êgao, dăo knang kơ Việt Nam srăng lŏ dơ̆ng mâo dŭm klei đru mguôp prŏng kơ klei êđăp ênang, hơĭt kjăp lehanăn mđĭ kyar ti alŭ wăl lehanăn hlăm tar rŏng lăn./.