Khua gĭt gai Đảng Nguyễn Phú Trọng lač jing yuôm bhăn êdi klei bi mguôp Việt Nam- Australia, bi myuôm klei đĭ kyar kjăp plah wah dua nah hlăm wưng leh êgao. Khua gĭt gai Đảng lŏ mñă Việt Nam lehanăn Australia jing leh dua ala čar dôk hlăm alŭ wăl Asi – Pacific, mâo lu mta msĕ, mâo leh klei bi mguôp hlăm dăl 50 êgao, dưi pŏk phai lehanăn mtrŭn agha êlam hĭn hlăm klei bi mguôp bruă kđi čar, hgŭm duh mkra, kreh knhâo, lehanăn bruă mjuăt bi hriăm, mbĭt hŏng bruă lĭng kahan.

Khua gĭt gai Đảng tŭ ư hŏng jih jang hdră êlan bi mguôp mbĭt, atăt klei bi mguôp anăn mâo knhuang đĭ kyar jăk, kyua klei tŭ dưn kơ mnuih ƀuôn sang dua ala čar, kyua klei êđăp ênang hgŭm mbĭt, mđĭ kyar alŭ wăl lehanăn tar rŏng lăn./.