Klei bi kƀĭn tĭng dlăng, 2 mlan êgao, kluôm Đảng, jih jang mnuih ƀuôn sang, lĭng kahan gĭr dưi mâo lu boh tŭ dưn yuôm bhăn hlămdjăp mta bruă, Mđĭ kyar bruă duh mkra ala ƀuôn, lĭng kahan, răng mgang klei êđăp ênang, bruă hŏng tač êngao, mkŏ mkra Đảng lehanăn anôk bruă kđi čar, hdră knuă druh lehanăn hdră gang mkhư̆ klei ƀơ̆ng ngăn, klei ngă amâo djŏ.

Kơ bruă phŭn hlăm wưng ti anăp, Khua gĭt gai Đảng mñă, mbĭt hŏng dŭm klei găl, drei srăng tlă anăp hŏng lu klei dleh dlan, lông dlăng kyua tar rŏng lăn dôk mâo lu mta dleh dưi ksiêm dlăng, klei bi ktưn mmiă prŏng mơ̆ng dŭm ala čar p’prŏng, klei bi blah, klei bi mlih yan adiê, klei ruă tưp dôk hmăi kjham, kyua anăn dŭm gưl, dhar bruă lŏ dơ̆ng mđĭ lar hĭn ai tiê hgŭm mguôp, sa ai, hluê ngă tŭ dưn dŭm bruă klam mâo kčah jao. Mđing hluê ngă jăk dŭm bruă mprăp kơ Klei bi kƀĭn bruă Đảng dŭm gưl mđing truh kơ Klei bi kƀĭn tal XIV mơ̆ng Đảng, bi leh dŭm mta hra mơar kơ Klei bi kƀĭn tal XIV mơ̆ng Đảng čiăng ba mdah kơ gưl dlông 10 ksiêm dlăng hluê hdră kčah, thiăm mbŏ hdră čuăl mkă dŭm gưl čiăng mprăp mnuih mă bruă kơ Klei bi kƀĭn bruă Đảng anăp truh./.