VOV4.Êđê - Ti anôk bruă Đảng gưl dlông, ti gŭ klei gĭt gai mơ̆ng Khua gĭt gai Đảng Nguyễn Phú Trọng, phŭn bruă kđi čar, êpul khua bruă Đảng mkŏ mjing leh klei bi tuôm akŏ yan mnga Nhâm Dần thŭn 2022, ƀri wưng bi hdơr 92 thŭn hruê mkŏ mjing Đảng (03/02/1930 – 03/02/2022) hŏng êbeh 250 čô bi ala jing phung khua gĭt gai gưl dlông dŭm wưng êlâo mơ̆ng Đảng, knŭk kna, mặt trận čar kwar Việt Nam, phung khua bruă Đảng gưl dlông dŭm gưl hlăm dŭm wưng. Bơ̆k bâo kơ bruă klam hlăm hruê mmông kơ anăp, Khua gĭt gai Đảng Nguyễn Phú Trọng mñă klă, thŭn 2022 jing thŭn tui ngă hdră mtrŭn mơ̆ng klei kƀĭn kluôm Đảng tal 13 leh anăn hdră êlan mđĭ kyar bruă duh mkra – ala ƀuôn 5 thŭn wưng thŭn 2021 -2025, boh nik jing wưng tar rŏng lăn leh anăn hlăm ala čar êngao kơ mâo dŭm klei găl, mmông găl ăt mâo lu klei dleh dlan, klei lông dlăng pluă mbĭt, čiăng kơ Đảng leh anăn jih jang mnuih ƀuôn sang mâo klei gĭr ktưn hĭn, bi mguôp hĭn čiăng mâo dŭm hdră êlan djŏ guôp kñăm ba ala čar lŏ dơ̆ng đĭ kyar kjăp, hlăm anăn čiăng êdi dŭm klei blŭ bi mguôp mơ̆ng phung khua gĭt gai Đảng leh anăn knŭk kna hlăm dŭm gưl, jing phung tuôm păn ngă dŭm bruă yuôm bhăn hlăm dŭm anôk bruă gưl dlông hlăm alŭ wăl.

Y-Ƀel pô mblang