VOV4.Êđê - Aguah mbruê, ti gŭ klei gĭt gai mơ̆ng Khua gĭt gai Đảng Nguyễn Phú Trọng, phŭn bruă kđi čar, êpul khua bruă Đảng mkŏ mjing leh klei kƀĭn trông kluôm ala hyuă kjăp leh anăn hluê ngă hdră mtrŭn mrô 11 mơ̆ng phŭn bruă kđi čar kơ hdră đĭ kyar bruă duh mkra ala ƀuôn, rơ̆ng klei êđăp ênang krĭng kngư leh anăn krĭng čư̆ čhiăng kwar Dưr truh ti thŭn 2030, hdră tă truh thŭn 2045.

Hlăk mblang kơ dŭm bruă srăng ngă čiăng hluê ngă mâo boh tŭ dưn hdră mtrŭn anei mơ̆ng phŭn bruă kđi čar, Khua gĭt gai Đảng Nguyễn Phú Trọng mñă ktang 5 boh klei hŏng 14 čar hlăm alŭ wăl leh anăn hŏng dŭm phŭn, dhar bruă gưl dlông, hlăm anăn čiăng hyuă kjăp kluôm ênŭm, djŏ leh anăn êlam hĭn boh tŭ, mta kñăm, hdră kčah, mta phŭn mơ̆ng hdră mtrŭn, thâo săng klă dŭm klei mĭn gĭt gai, dŭm mta bruă srăng ngă. Mkŏ mjing klei sa ai hlăm klei mĭn jih jang dŭm gưl, dhar bruă, mnuih ƀuôn sang leh anăn êpul êya dŭm knơ̆ng bruă kơ bruă klam leh anăn klei yuôm bhăn mơ̆ng krĭng. Anei jing bruă ngă mâo boh tŭ yuôm bhăn leh anăn năng êdi, bi êdah bruă klam mơ̆ng kluôm Đảng leh anăn kluôm ala hŏng mnuih ƀuôn sang dŭm djuê ana krĭng kngư leh anăn krĭng čư̆ čhiăng kwar Dưr.

Y- Khem pô mblang