VOV4.Êđê- Aguah mbruê 30/6, ti anôk bruă Đảng gưl dlông, phŭng bruă kđĭ čar, êpul khua bruă Đảng mkŏ mjing klei kƀĭn ksiêm wĭt 10 thŭn ngă bruă gang mkhư̆ klei ƀơ̆ng ngăn, klei amâo mâo jăk wưng thŭn 2012 -2022 ti gŭ klei gĭt gai mơ̆ng Khua gĭt gai Đảng Nguyễn Phú Trọng. Blŭ hlăm klei kƀĭn, Khua gĭt gai Đảng Nguyễn Phú Trọng bi êdah 6 klei hrăm yuôm bhăn, mâo boh tŭ dưn hlăm klei hlăk mblang leh anăn boh sĭt, hlăm anăn čiăng thâo săng kluôm ênŭm, boh tŭ, bruă klam, klei yuôm bhăn mơ̆ng bruă gang mkhư̆ klei ƀơ̆ng ngăn, klei amâo mâo jăk tĭ gŭ klei gĭt gai, ktrâo lač, sa ai mơ̆ng Đảng, klă anăp jing êpul gĭt gai mơ̆ng gưl dlông kơ bruă gang mkhư̆ klei ƀơ̆ng ngăn, klei amâo mâo jăk hlăm phŭn bruă kđi čar.

Bơ̆k bâo kơ bruă klam hlăm hruê mmông kơ anăp, Khua gĭt gai Đảng Nguyễn Phú Trọng mñă mñă kơ êpŭ gĭt gai gưl dlông, dŭm êpul gĭt gai gưl čar leh anăn dŭm anôk bruă kiă kriê bruă knuă gưl dlông leh anăn alŭ wăl srăng gĭr ktưn hĭn hlăm êlan mlih mrâo, mđĭ hŏng tŭ jăk, boh tŭ dưn bruă gang mkhư̆ klei ƀơ̆ng ngăn, klei amâo mâo jăk hlăm wưng đĭ kyar mrâo.

Pô mblang: Y-Ƀel Êban