VOV4.Êđê - Hruê mbruê 22/7, ti anôk bruă Đảng gưl dlông, Khua gĭt gai Đảng Nguyễn Phú Trọng gĭt gai leh klei kƀĭn Phŭn bruă kđi čar, Êpul khua bruă Đảng čiăng bi klă, ngă klei ƀuah mkra: Êpul khua bruă Đảng čar Phú Yên wưng thŭn 2015 -2020, Êpul bruă Đảng êpul gơ̆ng bruă ƀuôn sang čar Phú Yên wưng thŭn 2016 – 2021, Êpul khua bruă Đảng bruă sang čư êa čar Phú Yên hlăm dŭm wưng păn bruă 2016 - 2021, 2021 – 2026. Huỳnh Tấn Việt, Khua hlăm bruă Đảng gưl dlông, khua bruă Đảng dŭm anôk bruă gưl dlông, Khua bruă Đảng čar hđăp, khua bruă Đảng đoàn hđăp, khua kiă kriê Êpul gơ̆ng bruă ƀuôn sang hđăp, Nguyễn Chí Hiến, khua hđăp hlăm êpul khua bruă Đảng, K’iăng khua êpul bruă Đảng, khua bruă sang čư êa hđăp čar Phú Yên. Dŭm klei ngă soh, klei êdu awăt mơ̆ng gưl bruă Đảng nah gŭ, bruă sang čư êa, grăp čô mrâo bi êdah anăn ngă truh lu klei hmăi kjham, klei amâo mâo jăk hlăm yang ƀuôn. Hluê si mta phŭn, hnơ̆ng klei hmăi, phŭn agha truh klei ngă soh leh anăn klei hdră bhiăn mơ̆ng Đảng kơ bruă ƀuah mkra êpul bruă Đảng, đảng viên ngă soh, phŭn bruă kđi čar bi klă ngă klei ƀuah mkra ƀuah ăl gưl bruă Đảng nah gŭ, bruă sang čư êa, grăp čô mrâo lač anăn leh anăn brei kbiă mơ̆ng Đảng hŏng Nguyễn Chí Hiến.

Y-Ƀel pô mblang