Klei kƀĭn kluôm tal 14 jing gru kruăk yuôm bhăn, mâo boh tŭ tă hdră kơ êdei anăp, mđĭ ai kluôm Đảng, jih jang mnuih ƀuôn sang, lĭng kahan lŏ dơ̆ng mtrŭt mđĭ kluôm dhuôm, hrăm mbĭt klei mlih mrâo, ba lăn čar đĭ kyar pral leh anăn kjăp kyua mta kñăm mnuih ƀuôn sang mdrŏng, lăn čar ktang, êngiê, mtăp mđơr, mrâo mrang, kjăp đĭ nao kơ yang ƀuôn ngă phŭn.

Kyuanăn yơh, čiăng mprăp mnuih mă bruă Klei kƀĭn kluôm tal 14 mơ̆ng Đảng, boh klei yuôm mrô 1 jing srăng bi klă djŏ klei čuăn mkŏ mjing Êpul khua bruă Đảng gưl dlông, mta phŭn jing Phŭn bruă kđi čar, Êpul khua bruă Đảng, khua gĭt gai kmeh gơ̆ng mơ̆ng Đảng, phung bi ala mñă ktang, bruă mprăp mnuih mă bruă Klei kƀĭn kluôm tal 14 mơ̆ng Đảng amâo djŏ knŏng jing bruă klma mơ̆ng Êpul mnuih mă bruă, mơ̆ng Phŭn bruă kđi čar, mơ̆ng êpul khua bruă Đảng gưl dlông, ƀiădah jing bruă klam yuôm bhăn mơ̆ng bruă kđi čar, dŭm gưl bruă Đảng, êpul bruă Đảng, dŭm anôk bruă leh anăn alŭ wăl. Srăng mprăp jăk mnuih mă bruă mơ̆ng klei kƀĭn kluôm bruă Đảng čiăng dŭm gưl đru mguôp jăk mnuih mă bruă kơ klei kƀĭn kluôm tal 14 mơ̆ng Đảng, đru mguôp hlăm klei tŭ jing mbĭt mơ̆ng klei Kƀĭn kluôm ala tal 14 mơ̆ng Đảng, mĭn tĭng mkŏ mjing hlăm wưng tlâo mlan tal I/2026.