Blŭ pŏk klei kƀĭn, Khua gĭt gai Đảng Nguyễn Phú Trọng lač klă, Klei kƀĭn mâo boh tŭ dưn yuôm bhăn hlăm bruă hluê ngă tŭ jing Hdră mtrŭn klei kƀĭn kluôm tal 13 mơ̆ng Đảng, jing wưng ksiêm wĭt, bi klă dŭm boh tŭ dưn dưi mâo leh mơ̆ng akŏ wưng păn bruă truh kơ ară anei, ktrâo klă dŭm klei dleh kpăk, klei awăt êdu dôk mâo, phŭn agha leh anăn klei hriăm, đăo knăl hlăm wưng mrâo hŏng dŭm klei găl, klei dleh dlan, klei lông dlăng pluă mbĭt, čiăng mơ̆ng anăn ba mdah dŭm hdră êlan, hdră mtrŭn prŏng srăng kñăm gĭt gai, hluê ngă hlăm mkrah wưng păn bruă adôk ti gưl 13.

Khua gĭt gai Đảng Nguyễn Phú Trọng mtă, Gưl dlông leh anăn phung khua gĭt gai nao hgŭm hlăm klei kƀĭn trông bi lar klei thâo, bruă klam pô, kñăm ksiêm duah, bi trông klă nik, bi mguôp klei blŭ čiăng bi leh Klei hưn mdah ksiêm pô mơ̆ng klei gĭt gai, ktrâo lač mơ̆ng phŭn bruă kđi čar, êpul khua bruă Đảng krah wưng păn bruă leh anăn đa đa bruă klam kñăm truh kơ jih wưng păn bruă Klei kƀĭn kluôm tal 13 mơ̆ng Đảng.