Sa thŭn êgao, dŭm êpul gĭt gai gưl čar ngă leh 150 klei ksiêm dlăng, ktuê dlăng kơ bruă gang mkhư̆ klei ƀơ̆ng ngăn, klei amâo mâo djŏ. Hlăm klei ksiêm dlăng dưi hmao ƀuh lu klei ngă soh, akâo brei ƀuah mkra lu êpul bruă đảng, đảng viên ngă soh. Knŏng hlăm sa thŭn, Êpul gĭt gai gưl čar kñăm ksiêm dlăng, bi klă, ba 600 klei ngă soh, klei ƀơ̆ng ngăn, klei amâo mâo jăk hlăm bruă ktuê dlăng, gĭt gai čiăng kñăm ƀuah mkra.

Lu alŭ wăl dưi hmao ƀuh, kčŭt hưn, ksiêm duah, mgaih msir lu klei ngă soh kjham, lu knuă druh hlăm Êpul khua bruă Đảng, ƀuôn prŏng ksiêm dlăng. Leh ktrâo klă 5 mta phŭn leh anăn klei hriăm čiăng lŏ mđĭ hĭn boh tŭ dưn klei ngă bruă mơ̆ng Êpul gĭt gai gưl čar hlăm wưng kơ anăp, Khua gĭt gai Đảng Nguyễn Phú Trọng mtă, êpul gĭt gai dŭm čar, ƀuôn prŏng lŏ dơ̆ng hyuă kjăp, thâo săng êlam hĭn kơ bruă klam, kơhưm, klei dưi mơ̆ng Êpul gĭt gai gưl čar, srăng ngă bruă djŏ hdră bhiăn, klă klơ̆ng, djŏ hŏng bruă klam.