VOV4.Êđê - Hrue mbrue (25/1) jing hrue 23 mlan knhal jih thŭn Tân Sửu, Khua gĭt gai Đảng Việt Nam Nguyễn Phú Trọng lehanăn khua gĭt gai China Tập Cận Bình bi mơĭt leh hră hơêč hmưi thŭn mrâo, ƀri wưng phung ƀuôn sang dua ala čar Việt Nam, lehanăn China drông Tết nguyên đán Nhâm Dần.

Anăp truh kơ thŭn 2022, dua čô khua gĭt gai mtă kơ dŭm dhar bruă, lehanăn alŭ wăl dua ala čar ngă bi djŏ jih jang bruă gưl dlông bi tŭ ư, hyuă kjăp hĭn klei hgŭm duh mkra mnia mblei lehanăn duh bi liê, mtrŭt mđĭ klei bi mguôp phung ƀuôn sang hlăm lu hdră mdê mdê, hgŭm kjăp hlăm bruă mdrơ̆ng hŏng klei ruă tưp, ksiêm dlăng lehanăn mghaih bi jăk dŭm klei amâo mâo thâo bi djŏ hlăm klei bi blŭ hrăm, djŏ hŏng klei bhiăn tar rŏng lăn, atăt klei bi mguôp dua nah đĭ nao kơ kluôm dhuôm hĭn, kjăp hĭn, djŏ tui si klei phung ƀuôn sang dua ala čar čang hmăng, hơĭt kjăp, mdrŏng sah hlăm alŭ wăl lehanăn tar rŏng. Dua čô khua gĭt gai dua ala čar Việt Nam lehanăn China drông Tết Nhâm Dần êđăp ênang jăk mơak, lehanăn tŭ jing./.

Y-Khem pô mblang