Tui si klei hâo mdah ti anôk bi kƀĭn, 6 mlan êgao anôk bruă Đảng kahan gưl dlông, hlăm phŭn bruă kahan lĭng lehanăn dŭm gưl bruă Đảng, anôk bruă kiă kriê mâo leh klei gĭt gai jih jang lĭng kahan brei mâo klei thâo bi mguôp, bi sa ai, čŏng mghaih msir jih jang klei dleh dlan, bi leh jăk bruă čuăn.  Hlăm anăn, êdah hĭn êdi jing čŏng bi ksiêm duah, ksiêm mkă bi djŏ boh klei, kăp kčĕ mâo klei akâo kơ Đảng, knŭk kna mghaih msir djăp mta klei amâo mâo jăk, amâo mâo lĕ hlăm klei kdjăt ôh jih jang boh klei, răng mgang bi kjăp lăn čar.

Ngă jih jang bruă mơ̆ng tui si hdră mtrŭn mơ̆ng Anôk bruă Đảng kahan  kơ klei mjuăt hriăm, mâo hdră êlan ep mjuăt hŏng klei kjăp, mkŏ mjing klei bi lông, klei bi lông mjuăt asei mlei ti dŭm anôk bruă, êpul êya lĭng kahan dưi mđĭ hĭn. 6 mlan knhal jih thŭn, anôk bruă Đảng kahan bi klă bruă čuăn hlăm klei kiă kriê gĭt gai bruă kahan lĭng, hlăm anăn mkŏ mjing Đảng hlăm lĭng kahan, kơ bruă kđi čar, mâo knhuah dôk dơ̆ng ƀơ̆ng huă jăk, mkŏ mjing êpul lĭng kahan knhăk mbruă kjăp hlăm klei bi blah, hlue ngă djŏ asăp mtrŭn mơ̆ng klei bi kƀĭn prŏng Đảng 13, lehanăn jih jang hdră mtrŭn, klei bi klă bruă čuăn kơ lĭng kahan hlăm bruă răng mgang lăn čar hlăm boh klei mrâo ară anei./.