VOV4.Êđê- Hrue 27/9, ti anôk bruă Đảng Gưl dlông Khua gĭt gai Đảng Nguyễn Phú Trọng kiă kriê leh klei bi kƀĭn ksiêm bruă ƀuah mkra Tô Anh Dũng, k’iăng khua phŭn bruă hŏng tač êngao; Nguyễn Quang Linh pô đru bruă kơ k’iăng khua knŭk kna Phạm Bình Minh. Leh ksiêm dlăng, dhar bruă ksiêm dlăng gưl dlông lač, diñu dua Tô Anh Dũng, lehanăn Nguyễn Quang Ling kƀah bruă đua klam, toh hroh knhuah hdĭp ngă soh hŏng klei bhiăn Đảng, klei bhiăn knŭk kna kơ bruă kdơ̆ng hŏng klei ƀơ̆ng ngăn, ngă soh hŏng djăp klei phung đảng viên amâo mâo dưi ngă, ba klei amâo mâo jăk prŏng hŏng yang ƀuôn, bi čhŏ kơhưm Đảng. Mkă hŏng jih jang hnơ̆ng klei amâo mâo djŏ ngă leh anăn, tui si mta mtrŭn mơ̆ng Đảng, snăn ƀuah mkra hŏng hdră bi kbiă mơ̆ng Đảng hŏng Tô Anh Dũng, Nguyễn Quang Linh./.

Pô mblang: Y-Khem Niê