Aguah mbrue 16/6, ti Anôk bruă Đảng gưl dlông, Khua gĭt gai Đảng Nguyễn Phú Trọng kiă kriê klei phŭn bruă kđi čar bi kƀĭn mă klei blŭ kơ bruă ksiêm wĭt 20 thŭn hlue ngă hdră mtrŭn 23-NQ/TW, hrue 12/3/2003 hyuă kjăp klei bi mguôp jih jang djuê ana, kyua mnuih ƀuôn sang mdrŏng sah, lăn čar ktang kjăp, yang ƀuôn mtăp mđơr, hnŭk êngiê, kreh dhar.

Leh hmư̆ anôk bruă kiă kriê bruă mkŏ mjing dŭm klei hâo mdah dŭm bruă leh ngă, Phŭn bruă kđi čar mâo klei trông čhai lehanăn mâo klei bi êdah: Hlăm dŭm thŭn êgao, klei ktang mơ̆ng klei bi mguôp jih jang djuê ana amâo mâo mdei dưi bi kjăp, mđĭ bi lar nanao, đru mđĭ kyar klei duh mkra ala ƀuôn, răng mgang kjăp klei êđăp ênang, mâo klei bi blŭ hrăm, duh mĭn kơ klei hdĭp mnơ̆ng dhơ̆ng lehanăn ai tiê kơ mnuih ƀuôn sang, lŏ mđĭ hĭn klei mnuih ƀuôn sang đăo knang kơ Đảng, Knŭk kna. Bruă mkŏ mjing, lehanăn ƀư̆ mkra Đảng lehanăn jih jang bruă kđi čar mâo klei mđing hĭn êdi. Ti anôk bi kƀĭn bruă kđi čar ăt lač leh: Klei bi mguôp jih jang djuê ana nao hlăm hdră êlan yang ƀuôn ngă phŭn êngiê, bi mpŭ kơ klei êngiê anak mnuih, klei dưi kơ grăp čô, brei klei êngiê kơ mnuih ƀuôn sang./.