VOV4.Êđê - Aguah mbrue (20/1) ti anôk bruă Đảng gưl dlông, Dhar bruă gĭt gai bruă bi kdơ̆ng hŏng klei ƀơ̆ng ngăn bi kƀĭn tal 21, ti gŭ klei kiă kriê mơ̆ng Khua gĭt gai Đảng Nguyễn Phú Trọng, čiăng ksiêm wĭt boh tŭ dưn bruă knuă thŭn 2021, lehanăn nga bruă kơ thŭn 2022 mơ̆ng Dhar bruă gĭt gai. Hlăm thŭn 2021, khădah dôk găn klei ruă tưp Covid 19 dleh dlan, ƀiădah bruă kdơ̆ng hŏng klei ƀơ̆ng ngăn ăt dưi ngă hŏng klei kjăp, bi leh hdră kčah jao. Boh nik, hlăm thŭn dih, kluôm ala mâo ba kčŭt truh 390 kđi soh/1.011 čô phung ngă soh ƀơ̆ng ngăn. Lač kơ bruă hlăm wưng kơ anăp, Khua gĭt gai Đảng Nguyễn Phú Trọng mtă dŭm gưl bruă Đảng, dhar bruă djŏ tuôm brei mâo klei thâo răng nanao mđing hĭng kơ bruă ksiêm dlăng. Ti anôk bi kƀĭn, Dhar bruă kiă kriê bruă kdơ̆ng hŏng klei ƀơ̆ng ngăn trông čhai leh, mă klei blŭ čiăng bi leh hdră êlan mă bruă hlăm thŭn 2022 mơ̆ng dhar bruă gĭt gai./.

 Y-Khem pô mblang