Mta phŭn hră čih mâo kdrêč: Hŏng klei khăp jing mah jiăng, siă suôr, bi mguôp, bi ala kơ Êpul Khua bruă Đảng gưl dlông Đảng Cộng sản Việt Nam, kâo mơĭt kơ Khua gĭt gai Đảng yang ƀuôn Campuchia Hun Sen, phung khua gĭt gai leh anăn knuă druh, đảng viên Đảng yang ƀuôn Campuchia klei hơêč hmưi kyua klei tŭ jing mơ̆ng klei ruah khua tal V, boh nik jing Đảng yang ƀuôn Campuchia mâo mă klei dưi prŏng hlăm klei ruah khua tal anei.

Boh tŭ klei ruah khua lŏ sa blư̆ mñă klă bruă klam, kơhưm mơ̆ng Đảng yang ƀuôn Campuchia ti gŭ klei gĭt gai mơ̆ng Hunsen. Hmei đăo knang, hŏng dŭm boh tŭ dưn dưi mâo, mbĭt hŏng klei hriăm leh mâo lu jơr leh anăn klei sa ai mơ̆ng mnuih ƀuôn sang Campuchia, Đảng yang ƀuôn Campuchia mơ̆ng khua gĭt gai Hun Sen srăng lŏ dơ̆ng mâo mă lu boh tŭ dưn mrâo, prŏng prĭn hĭn hlăm bruă răng mgang, mkŏ mjing leh anăn mđĭ kyar lăn čar Campuchia.