VOV4.Êđê- Hlăm klei nao mă bruă ti čar Quảng Ninh, aguah mbrue (6/4), Khua gĭt gai Đảng Nguyễn Phú Trọng djă akŏ êpul nga bruă gưl dlông nao čuă ksiêm dlăng bruă mđĭ ai jih jang phung knuă druh mnuih ngă bruă knơ̆ng bruă hdăng boh tâo Vàng Danh – Vinacomin hlăm ƀuôn prŏng Uông Bí. Leh ksiêm dlăng klei hdĭp mnuih ngă bruă ti anôk dôk lu mnuih pioh kơ mnuih ngă bruă hlăm knơ̆ng bruă, blŭ hrăm hŏng phung ngă bruă, Khua gĭt gai Đảng Nguyễn Phú Trọng bi klă bruă klam yuôm bhăn mơ̆ng mnuih ngă bruă mâo leh mơ̆ng đưm hlŏng kơ ară anei, dơ̆ng mơ̆ng ênuk bi blah, hlăm klei êđăp ênang, hlăm bruă rŭ mdơ̆ng lehanăn răng mgang lăn čar.

Tui si Khua gĭt gai Đảng gưl mnuih ngă bruă Việt Nam jing phung ngă bruă hŏng klei mbruă, lehanăn mâo klei hdĭp dhar kreh, lehanăn mâo nanao klei khăp thâo bi đru hdơ̆ng găp./.

         Pô mblang: Y-Khem Niê