Blŭ hlăm klei kƀĭn trông, Khua gĭt gai Đảng Nguyễn Phú Trọng mñă klă, hlăm giăm 40 thŭn mlih mrâo, Đảng drei dưi mâo leh anăn bi lar knhuah gru, phŭn agha leh anăn knhuah djuê ana, lŏ dơ̆ng ruah mă dŭm klei jăk tar rŏng lăn leh anăn dŭm klei mĭn mrâo mrang mơ̆ng ênuk gưl, mđĭ kyar hŏng tur knơ̆ng klei mĭn Mác – Lênin, klei mĭn Hồ Chí Minh, mkŏ mjing hdră hŏng tač êngao jăk, jiă kma knhuah gru “kăt Kram Việt Nam”.

Khua gĭt gai Đảng Nguyễn Phú Trọng bi mni kơ 6 boh tŭ êdah êdi mơ̆ng Dhar bruă hŏng tač êngao leh anăn bruă hŏng tač êngao kluôm ala mơ̆ng Klei kƀĭn trông bruă hŏng tač êngao kluôm ala gưl tal êlâo ti thŭn 2021, ăt msĕ hŏng drei dưi hyuă kjăp leh anăn hluê ngă hrăm mbĭt, tŭ dưn êlan êlan hŏng tač êngao Klei kƀĭn kluôm tal 13 mơ̆ng Đảng.