Hlăm klei kƀĭn trông, hŏng ai tiê ênuah ênô, mâo bruă đua klam, phung bi ala kñăm bi trông, bi klă boh tŭ dưn hluê ngă bruă lĭng kahan leh anăn bruă mkŏ mjing bruă Đảng kahan thŭn 2023, gĭt gai jih jang lĭng kahan mgaih msir klei dleh dlan, bi leh djăp bruă klam hŏng boh tŭ dưn hĭn kơ thŭn 2022, lu bruă klam dưi bi leh jăk.

Hluê si tur knơ̆ng hlăk mblang êlam boh sĭt hlăm alŭ wăl, tar rŏng lăn, hlăm lăn čar, Bruă Đảng kahan gưl dlông bi klă đa đa bruă klam, hdră êlan kñăm gĭt gai, ktrâo lač hluê ngă tŭ jing bruă klam lĭng kahan. Hlăm anăn, čŏng pô thâo klă, bi klă, đăo knăl djŏ boh sĭt, đru kčĕ hŏng Đảng, knŭk kna mgaih msir dŭm boh klei, amâo mâo lui klei kdjăt truh, răng mgang kjăp klei êngiê, klei dưi kiă kriê, hluh hlir lăn čar. Bi lar bruă klam kmeh gơ̆ng hlăm bruă răng mgang klei êđăp ênang mơ̆ng jih jang mnuih ƀuôn sang, bi mguôp bruă lĭng kahan hŏng bruă duh mkra, bruă duh mkra hŏng bruă lĭng kahan leh anăn hdră ngă bruă mơ̆ng knŭk kna kơ klei mđĭ kyar bruă duh mkra ala ƀuôn, răng mgang klei êđăp ênang dŭm krĭng leh anăn alŭ wăl. Kñăm gĭt gai mkŏ mjing Bruă Đảng kahan kjăp ktang.