VOV4.Êđê- Aguah mbrue (18/7), Khua gĭt gai Đảng Nguyễn Phú Trọng nao lehanăn blŭ hrăm ti knăm bi hdơr 60 thŭn hruê mjĕ mgiăm (5/9), 45 thŭn hrue kuôl kă klei hgŭm bruă, hgŭm mbĭt Việt Nam – Lao (18/7), thŭn bi mguôp Việt Nam – Lao, Lao – Việt Nam 2022 mâo mkŏ mjing kdrăp k’ah ti ƀuôn prŏng phŭn Hà Nội.

Nao ti anôk bi hdơr anei lu phung khua prŏng Đảng, knŭk kna, lehanăn k’iăng khua lăn čar Lao Bounthong Chitmany. Blŭ hrăm ti knăm anei Khua gĭt gai Đảng Nguyễn Phú Trọng lač, dua ala čar jing jĕ giăm riêng gah, mnăm sa hnoh êa Mekong, knang rŏng mbĭt hlăm duôr čư̆ prŏng kdrăm k’ah, Việt Nam lehanăn Lao mâo leh knhuah gru jăk siam thâo bi đru hdơ̆ng găp hlăm dăl hƀuê ênuk rŭ mdơ̆ng lăn čar, lehanăn răng kriê lăn čar mơ̆ng dua djuê ana.

Dua Đảng, dua knŭk kna lehanăn phung ƀuôn sang knư̆ hĭn mơh lŏ mâo klei bi mguôp, hgŭm bruă mđrăm mbĭt găn klei dleh dlan, lŏ dơ̆ng bi leh mta kñăm hnŭk êngiê djuê ana, lehanăn hdră êlan yang ƀuôn ngă phŭn, hrăm mbĭt jih ai tiê răng mgang, lehanăn amâo mâo mdei ksul mbŭ klei bi mguôp yuôm bhăn mơ̆ng dua djuê ana, lehanăn klei hgŭm bruă kluôm dhuôm Việt Nam – Lao./.

Pô mblang: Y-Khem Niê