Khua gĭt gai Đảng Nguyễn Phú Trọng nao ti anôk bi kƀĭn bruă Đảng kahan ksiêm gưl dlông thŭn 2023
Thứ tư, 15:48, 20/12/2023
VOV TAYNGUYEN
VOV TAYNGUYEN
VOV4.Êđê- Aguah mbrue (20/12) ti Hà Nội, Bruă Đảng kahan ksiêm gưl dlông mkŏ mjing leh klei bi kƀĭn ksiêm wĭt klei hlue ngă bruă čuăn thŭn 2023; tă hdră mă bruă kơ thŭn 2024; ksiêm bruă hlue ngă hdră mtrŭn 12 mơ̆ng phŭn bruă kđi čar, mă klei blŭ kơ dŭm hră mơar kơ klei bi kƀĭn bruă kahan ksiêm kluôm ala tal 79.
Khua gĭt gai Đảng Nguyễn Phú Trọng nao lehanăn kiă krtiê klei bi kƀĭn. Ti anôk bi kƀĭn phung bi ala trông čhai kơ klei hâo mdah bruă Đảng kahan ksiêm gưl dlông thŭn 2023 lehanăn tă hdră mă bruă kơ thŭn 2024; ksiêm bruă hlue ngă hdră mtrŭn mrô 12 mơ̆ng phŭn bruă kđi čar, mkŏ mjing kahan ksiêm doh mngač, kjăp ktang, knhăk.
Blŭ hrăm ti anôk bi kƀĭn khua gĭt gai Đảng Nguyễn Phú Trọng mtă kơ êpul bruă Đảng kahan ksiêm gưl dlông bi ksiêm duah hŏng klei kjăp hĭn, ngă jih jang bruă kăp kčĕ kơ Đảng, knŭk kna dŭm gưl bruă Đảng, bruă sang čư̆ êa alŭ wăl mâo dŭm hdră êlan, klei bhiăn mđĭ kyar bruă duh mkra ala ƀuôn, răng mgang kjăp klei êđăp ênang./.
Viết bình luận