VOV4.Êđê- Tlam mbruê 18/7, Khua gĭt gai Đảng Nguyễn Phú Trọng tŭ drông leh êpul bi ala gưl dlông mơ̆ng Đảng, knŭk kna Lao mơ̆ng Bounthong Chitmany, khua hlăm phŭn bruă kđi čar, khua êpul bruă Đảng, k’iăng Khua lăn čar Lào ba anăp hriê čuă ala čar Việt Nam leh anăn nao hlăm knăm bi hdơr 60 thŭn mkŏ mjing klei mjĕ giăm 2 ala čar, 45 bi klă klei kluôl kă bi hgŭm leh anăn bi mguôp Việt Nam – Lao.

Khua gĭt gai Đảng Nguyễn Phú Trọng leh anăn Bounthong Chitmany bi êdah klei hơ̆k mơak kơ dŭm boh tŭ klei bi mguôp plah wah 2 Đảng, 2 ala čar hlăm hruê mmông êgao, mñă klă, wăt kơ djăp klei mâo, 2 tĭng ăt hrăm mbĭt, sa ai leh anăn bi mbŏ klei siă suôr, klei bi mguôp kjăp Việt Nam – Lao, ba wĭt klei tŭ klă klơ̆ng kơ mnuih ƀuôn sang 2 ala čar. Dua tĭng ăt bi mguôp kjăp hlăm bruă hluê ngă mâo boh tŭ dưn dŭm klei kluôl lă plah wah phung khua gĭt gai gưl dlông 2 Đảng, 2 knŭk kna, mđĭ hĭn klei bi trông, kah mbha klei thâo hlăm bruă tă êlan leh anăn ngă bruă mkŏ mjing, mđĭ kyar ala čar.

Pô mblang: Y-Ƀel Êban