Khua gĭt gai Đảng Nguyễn Phú Trọng đăo knang gưl hriê čuă anei srăng mkŏ mjing klei kruăk knăl mrâo, mtrŭt mđĭ klei mjĕ giăm dua ala čar hlăm wưng kơ anăp. Khua gĭt gai Đảng mñă klă, klei mjĕ giăm 2 ala čar mâo leh klei lông dlăng hlăm wưng êgao leh anăn hmăng hmưi ƀrư̆ hruê ƀrư̆ đĭ kyar jăk siam, kyua klei tŭ dưn mnuih ƀuôn sang 2 ala čar.

Khua mil čhil Dhŭng Korea mñă kơ 2 tĭng lŏ uêñ mĭn mtô mjuăt gưl phung msa asei 2 ala čar, Dhŭng Korea srăng lŏ dơ̆ng mđing tal êlâo kơ phung hriăm gưl prŏng Việt Nam, mkŏ mjing klei găl kơ diñu dưi mŭt hriăm ti dŭm sang hră mrâo mrang mơ̆ng Dhŭng Korea, jing kdrông mkŏ kjăp kơ klei mjĕ giăm plah wah 2 ala čar, mñă kơ 2 tĭng mđĭ hĭn klei mjĕ êrô mnuih ƀuôn sang, mtrŭt mđĭ bruă mtô mjuăt bi hriăm, kreh knhâo mrâo mrang, ba klei mjĕ giăm Dhŭng Korea – Việt Nam jing gru hmô hlăm klei mjĕ giăm tar rŏng lăn, 2 ala čar gĭt ktưn kyua klei êđăp ênang, bi mguôp leh anăn  mdrŏng sah./.