VOV4.Êđê - Tlam mbruê 16/5, ti anôk bruă Đảng gưl dlông, Khua gĭt gai Đảng Nguyễn Phú Trọng tŭ drông leh Khua mil čhil Greek Katerina Sakellaropoulou leh anăn êpul bi ala gưl dlông ala čar Greek ƀri wưng klă klơ̆ng hruê čuă ala čar Việt Nam. Khua gĭt gai Đảng Nguyễn Phú Trọng bi mni kơ Khua mil čhil leh anăn êpul bi ala knŭk kna Greek hriê čuă ala čar Việt Nam leh anăn hơêč hmưi kơ aduôn Katerina Sakellaropoulou dưi čuăn ruah jing Khua mil čhil mniê tal êlâo ti ala čar Greek.

Khua gĭt gai Đảng Nguyễn Phú Trọng ăt bi kah mbha hŏng Khua mil čhil Greek kơ dŭm boh tŭ klei mlih mrâo, mta kñăm đĭ kyar mơ̆ng Việt Nam leh anăn bruă hŏng tač êngao êngiê, čŏng pô, êđăp ênang, bi mguôp leh anăn đĭ kyar. Việt Nam jing mah jiăng, ƀĭng hgŭm, pô nao hgŭm mâo bruă klam mơ̆ng êpul êya tar rŏng lăn, čŏng pô, hur har ñu kma hŏng tar rŏng. 2 čô khua gĭt gai ăt bi tŭ ư mđĭ hĭn klei mjĕ giăm bruă kđi čar, mtrŭt mđĭ klei bi mguôp, sa ai hdơ̆ng pô hlăm dŭm klei kƀĭn tar rŏng lăn.

Y-Bel pô mblang