VOV4.Êđê- Ti anôk bruă Đảng gưl dlông, Khua gĭt gai Đảng Nguyễn Phú Trọng tŭ drông leh khua phŭn bruă hŏng tač êngao Russia Sergei Lavrov ƀri wưng hriê čuă ala čar Việt Nam. Khua phŭn bruă hŏng tač êngao Russia Sergei Lavrov lač jăk kơ Khua gĭt gai Đảng Nguyễn Phú Trọng pioh leh mmông tŭ drông leh anăn hưn mdah dŭm boh tŭ hlăm klei blŭ hrăm, klei bi tuôm hlăm gưl hriê čuă kơ klei bi mguôp hlăm dŭm mta bruă plah wah Russia leh anăn Việt Nam, mñă klă Russia yap yuôm bhăn klei mjĕ giăm bi mguôp hdră êlan kluôm ênŭm plah wah 2 ala čar, sa ai hŏng bruă klam jing mta kñăm mơ̆ng ASEAN hlăm alŭ wăl, lač jăk kyua klei đru mguôp mơ̆ng Việt Nam hlăm bruă mtrŭt mđĭ klei mjĕ giăm Russia – ASEAN hlăm dŭm thŭn êgao leh anăn bi êdah klei mĭn mơ̆ng Russia hlăm dŭm boh klei tar rŏng lăn, hlăm anăn mâo klei bi blah ti Ukraine. Khua gĭt gai Đảng Nguyễn Phú Trọng mñă klă Việt Nam yap yuôm bhăn klei mjĕ giăm bi mguôp hdră êlan kluôm ênŭm hŏng Russia leh anăn klei bi mguôp plah 2 ala čar. Hơêč hmưi kơ klei hriê čiă mơ̆ng khua phŭn bruă hŏng tač êngao Russia Sergei Lavrov tŭ jing jăk siam.

Pô mblang: Y-Ƀel Êban