VOV4.Êđê- Tlam mbruê, ti anôk bruă Đảng gưl dlông, Khua gĭt gai Đảng Nguyễn Phú Trọng tŭ drông leh pô bi ala Mi Marc E. Knapper hriê kčưm wưng păn bruă ti Việt Nam. Pô bi ala Marc E. Knapper lač jăk kơ Khua gĭt gai Đảng Nguyễn Phú Trọng mkăp leh mmông tŭ drông, bi êdah klei hơ̆k mơak dưi lŏ wĭt ngă bruă ti Việt Nam jing hŏng bruă klam jing pô bi ala. Pô bi ala Marc E. Knapper mñă klă Mi sa ai hŏng ala čar Việt Nam ktang, êngiê, mdrŏng sah leh anăn mtrŭt mđĭ klei mjĕ giăm 2 ala čar hluê si klei mpŭ kơ hdră kiă kriê bruă kđi čar hdơ̆ng pô. Pô bi ala srăng gĭr ktưn đru mguôp hlăm klei đĭ kyar klei mjĕ giăm Mi – Việt Nam. Khua gĭt gai Đảng Nguyễn Phú Trọng hơêč hmưi kơ pô bi ala Marc E. Knapper đua klam bruă klam yuôm bhăn ti Việt Nam, mñă kơ pô bi ala Marc E. Knapper lŏ dơ̆ng đru mđĭ kyar klei mjĕ giăm 2 ala čar leh anăn mâo lu boh tŭ hlăm wưng păn bruă ti Việt Nam.

Pô mblang: Y-Ƀel Êban