Khua gĭt gai Đảng bi mni klei gĭr mŏng phung knuă druh hră klei mrâo Nhân dân hlăk bi mklă: Ti anôk mâo mnuih ƀuôn sang tinăn mâo hră klei mrâo Nhân dân, mdưm bruă klam mŏng hră klei mrâo ƀrư̆ hruê jĕ giăm, klă sĭt hĭn. Khua gĭt gai Đảng lač klă, bruă klei mrâo cách mạng, hlăm anăn mâo Hră klei mrâo Nhân dân brei ngă djŏ, ngă ktang, êmăt, knhâo, kluôm dhuôm. Hră klei mrâo brei jing hră hlăm ai tiê mnuih ƀuôn sang, klei blŭ mnuih ƀuôn sang, ktrâo atăt yang ƀuôn, bi kjăp klei đăo knang, klei sa ai hlăm kluôm ala ƀuôn, Khua gĭt gai Đảng lač kơ 9 klei mđing čiăng kơ êpul phung khua kiă kriê, knuă druh Hră klei mrâo Nhân dân brei mkŏ mjing hluê ngă hlăm wưng ti anăp.

Hră klei mrâo brei mđing mlih mrâo gru hmô mtô mblang, maoa mta kñăm, hluê ngă kjăp klei bhiăn, gĭr ktưn kpưn đĭ mkăp djŏ hŏng klei čiăng hlăm wưng mrâo, đru mbĭt hŏng kluôm Đảng, jih jang mnuih ƀuôn sang, lĭng kahan hluê ngă tŭ dưn Hdră mtrŭn Klei kƀĭn tal XIV mơ̆ng Đảng kyua mta kñăm mkŏ mjing sa ala čar Việt Nam êđăp ênang, hnŭk êngiê, ngă phŭn mil pô, sah mdrŏng, đĭ kyar, kreh dhar, hơĭt kjăp kpưn đĭ kơ hdră êlan yang ƀuôn ngă phŭn./.