Ti anôk bi tuôm, Khua gĭt gai Đảng hâo hưn pral boh klei mâo hlăm ala čar, boh nik, kơ bruă prăp êmiêt klei bi kƀĭn prŏng Đảng gưl 14. Truh kơ ară anei, klei bi kƀĭn prŏng đảng nah gŭ hlăk dơ̆ng bi leh, dŭm êpul bruă Đảng hlăm gưl dlông srăng bi ruĕ hlăm mlan 10/2025. Kơ klei duh mkra ala ƀuôn, tĭng hlăm thŭn anei kluôm ala mâo leh 15/15 dưi djăp ênoh čuăn kčah, mâo ba wĭt ngăn prăk kơ knŭk kna truh 2,5 êklăk êklai prăk.

Khua gĭt gai Đảng čih pioh dŭm klei đru mguôp yuôm bhăn mơ̆ng Hà Nội mơ̆ng dŭm boh tŭ dưn kluôm ala, lehanăn mñă mâo boh tŭ dưn anăn jing klei gĭr mơ̆ng jih jang djuê ana. Ñu mñă klei yuôm bhăn hĭn lăn čar bi păn kjăp klei hơĭt, klei êđăp ênang lehanăn klei mđĭ kyar kjăp./.