Hlăm jar gưl nao čhưn klă sĭt ti Finland, hruê 21/10, Khua gĭt gai Đảng Tô Lâm leh anăn mô̆ ñu Ngô Phương Ly bi tuôm hŏng phung knuă druh, phung mă brruă dŭm anôk bruă bi ala Việt Nam leh anăn ƀi ala êpul êya mnuih Việt Nam ti Finland, Demmark, Sweden leh anăn Na Uy. Khua gĭt gai Đảng bi êdah klei mơak ti anăp klei khăp mnuih ƀuôn sang Việt Nam ti ala tač êngao - phung “bi ala kơ dhar kreh” đru mguôp mđĭ klei bi hgŭm Việt Nam leh anăn dŭm ala čar Dưr Ơ Rôp.

Khua gĭt gai Đảng bi mklă, Đảng leh anăn Knŭk kna dlăng êpul êya mnuih   Việt Nam ti ala tač êngao jing sa kdrêč amâo dưi bi ktlah ôh  mơ̆ng djuê ana, jing klei găl yuôm bhăn kơ bruă mkŏ mjing leh anăn răng mang čar kwar.  Klei hâo hưn kơ bruă duh mkra - ala ƀuôn leh anăn bruă mprăp kơ klei bi kƀĭn tal XIV mơ̆ng Đảng, Khua gĭt gai Đảng mñă klă lăn čar dôk mŭt hlăm wưng đĭ kyar mrâo, mđing kơ klei kñăm mnuih ƀuôn sang mdrŏng sah, lăn čar ktang, êngiê kơ mnuih ƀuôn sang, mtăp mđơr, jăk siam.